Lodoni Nikua

Sa mai levu sara na noda veitalanoa taka na veika e mai yaco tiko mai Lodoni “na noda koro lomani”. Ia au gadreva meu bulagoci kemuni mada ena i tuvaki kei Lodoni ena gauna qo.

Ena yabaki rua sa oti sa mai vakavou i tale kina na lease kei Lodoni kei iratou na i taukei ni qeleqele mai Nananu. Ia sa mai vakalutumi ga eso na qele vei iratou nai taukei ni qele. Kena i balebale vei kemuni na noda eda kilai Lodoni ena veigauna e liu. Na qele kei Lodoni sa sega ni vaka e liu na kena levu.

Sa mai vakalutumi lesu tale vei iratou nai taukei ni qele na qele kece ka tiko ena yasana i matau ni gauna sala ka cabe ki nai pamu ni wai (Ena yasana ki Nananu). Ena gauna qo, sa rent taka tale tiko na matanitu na vale kece ni qasenivuli era tu ekea me ra vakayagataka tiko na qasenivuli. Wili tiko ena qele ka suka qo, na qele kece e tiko ena yasana i matau ni uciwai ka lako cake ki SouthFarm me vaka au sa vakaraitaka tiko ena taba ka tiko qori (wili tiko kina na naba 16/17). Kei na qele kece sara mai na South Farm sara mai cake, ka wili talega kina na Ovalau Ground.

Na veivanua beka ga au rawa ni tukuna ni okati tiko me vanua kovuti ena lease kei Lodoni koya sa maka taki toka ena iqi drokadroka. E vica beka ga na vanua mai Saiyaro au na sega ni taura rawa vaka vinaka. Ia qori edua na kena i vakaraitaki vakaca (approximation)

Ia kevaka e so vei keda eda gole tiko i Lodoni se da lako siviti Lodoni eda na raica tiko beka ni sa sega tu ni tei na Naba 1 kei na Naba 2 – e baleta ni sa qai mai laurai ni qele qori erau a sega tu ni wili ena lisi kei Lodoni, a kerei ga vakavanua mai liu ka da sa lai bula mai kina e vuqa sara vei keda qo. Ia nikua sa tiko tale vei iratou na kenai taukei mai Lodoni vaka-Viti

Advertisement